უკვე რამდენი ხანია მინდოდა გამეგო მეტი ჩემი ჯანმრთელობის შესახებ, არა მხოლოდ შეგრძნებებზე დაყრდნობით, არამედ დამენახა რეალური მონაცემები.
ორი კვირის წინ ჩავიტარე სისხლის ანალიზი 65 ბიომარკერზე. პასუხები აიტვირთა Vitality Blueprint პლატფორმაზე. შედეგად რაც მივიღე, უბრალოდ ციფრების სია არ არის — ესაა ჩემი სხეულის სრული და მკაფიო სურათი: როგორ ფუნქციონირებს, სად არის ძლიერი და სად სჭირდება დამატებითი მხარდაჭერა.
შედეგები, რომლებმაც ჩემი ხედვა შეცვალა
ძალიან გამახარა იმ ფაქტმა, რომ ჩემი ბიოლოგიური ასაკი 38 წელია, მაშინ როცა რეალურად მომავალ თვეში 46 წლის ვხდები. მხოლოდ ამ ფაქტმა უდიდესი მოტივაცია მომცა.
ჩემი ჯანმრთელობის ქულა 80% აღმოჩნდა. ეს კარგი შედეგია და მიხარი კიდეც — თუმცა ჩემთვის ყველაზე მნიშვნელოვანი ისაა, რომ დარჩენილია 20% გასაუმჯობესებელი.
ხარვეზები, რომელთა შესახებაც არ ვიცოდი
Vitality-მ გამოავლინა კონკრეტული ვიტამინებისა და მინერალების დეფიციტი — ისეთი ხარვეზები, რომელთა არსებობას დამოუკიდებლად ვერასდროს მივხვდებოდი. ჯანსაღად ვიკვებები, აქტიური ვარ და ჯანმრთელობაზე ვზრუნავ, თუმცა აღმოჩნდა ჩემს ორგანიზმში არსებობს გარკვეული დისბალანსები, რომლებიც ჩუმად მოქმედებს ჩემს ენერგიაზე, აღდგენასა და გრძელვადიან სიცოცხლისუნარიანობაზე.
ციფრებში გამოხატული მონაცემები მართლაც ბევრის მთქმელი აღმოჩნდა.
ახლა, ვარაუდებისა და დანიშნულების გარეშე დანამატების მიღების ნაცვლად, მაქვს მკაფიო, პერსონალიზებული გეგმა. დანამატების მიზანმიმართულად მიღებითა და მცირე, გააზრებული ცვლილებებით ჩემი მიზანია:
👉 მომავალ წელს გავხდე კიდევ უფრო ჯანმრთელი და ბიოლოგიურად ახალგაზრდა.
ძალა ერთობაშია
ამ პროცესში მარტო არ ვარ.
სანდრო ნოზაძე, ჩემი Vitality პროგრამის ქოუჩი, მიძღვება ამ გზაზე და მეხმარება ცოდნა პრაქტიკულ ქმედებებად ვაქციო. ერთად ვმუშაობთ გაზომვად და მდგრად პროგრესზე.
რატომ ვაზიარებ ამას
ნამუს სახელით ხშირად ვსაუბრობ გააზრებულ არჩევანზე, ხარისხიან ინგრედიენტებსა და გრძელვადიან კეთილდღეობაზე. ამ გამოცდილებამ კიდევ ერთხელ დამანახა, რომ ნამდვილი ჯანმრთელობა ტრენდებზე არ დგას, ზუსტი მონაცემები კი ჩვენი იარაღია.
ხშირად ყველაზე დიდი გარდატეხა მაშინ ხდება, როცა ბოლოს და ბოლოს გადაწყვეტ უფრო ღრმად ჩაიხედო საქმეში.
და თქვენ?
ახალი წლის მოახლოებასთან ერთად, ჯანმრთელობასთან დაკავშირებული რა გეგმები გაქვთ?
ვარაუდებზე აგებთ თქვენს არჩევანს — თუ მზად ხართ, ნამდვილად გაიგოთ, როგორ მუშაობს თქვენი სხეული?
სიხარულით მოვისმენ თქვენ აზრს.
დაე, მომავალმა წელმა მოგაკლოთ ბიოლოგიური ასაკი.
გილოცავთ დამდეგ შობა-ახალ წელს!
ანა
P.S. ფოტოზე მე და ჩემი შვილიშვილი – კიკი.
