fbpx
ჟოლოს ტარტი

პორცია:

12

მზადდება:

60 წუთი

საკვების ტიპი:

დესერტი

ინგრედიენტები

ძირი:

  • 150გ ჭიქა შვრია
  • 100გ ნუში
  • 50გ ქოქოსის ზეთი (გამლღვალი)
  • 30გ აგავე ან ნეკერჩხლის სიროფი

ჯემი:

  • 200გ ჟოლო
  • 65გ წყალი
  • 30გ აგავე ან ნეკერჩხლის სიროფი
  • 40გ ჩია
  • 1 ჩ.კ. აგარ-აგარი (ვეგანური ჟელატინი)

მუსი:

  • 1 ქილა (400 გ) ქოქოსის კრემი
  • 60გ აგავე ან ნეკერჩხლის სიროფი
  • 40გ ქოქოსის ზეთი
  • 100გ ქეშიუ (ჩალბობილი)
  • 50გ ჟოლო (ჟოლოს გარეშე მიიღებთ თეთრ მუსს, ჟოლოს დაამატებით – ვარდისფერს)

მომზადების წესი

ძირისთვის შვრია და ნუში დაატრიალეთ კომბაინში. დაუმატეთ ქოქოსის ზეთი და დამატკბობელი. ტარტის რკინის ფორმას წაუსვით ქოქოსის ზეთი ფუნჯით და ჩადეთ ცომი. თითები დაისველეთ, რომ არ მიგეკრათ. ცომი აიყვანეთ ფორმის კედლებზე ბოლომდე. გამოაცხვეთ 180 გრადუსზე გახურებულ ღუმელში 15 წუთით. ფორმებიდან ამოიღეთ გაგრილების შემდგომ.

ჯემისთვის ჟოლო და წყალი წამოადუღეთ. დაუმატეთ ჩია, დამატკბობელი და აგარ-აგარი (დამატებამდე აგარ-აგარი უნდა გახსნათ 2-3 ს.კ. ცივ წყალში). ადუღეთ დაბალ ცეცხლზე 2-3 წუთი, შესქელებამდე. შეგრილებული ჯემი დაასხით გამომცხვალ ძირს, ისე, რომ დარჩეს ადგილი მუსისთვის.

მუსისთვის ყველა ინგრედიენტი დააბლენდერეთ. გამომგცხვარ ჯემიან ტარტს მუსი შეგიძლიათ დაადოთ კოვზით ან კრემის მოსართავით.

შეგიძლიათ მინი ტარტების ნაცვლად გააკეთოთ ერთი მთლიანი ტარტიც.

Pin It on Pinterest

 

შეკვეთას 24 საათის განმავლობაში მოგიტანთ.